Бишкектеги Айтматов проспектиси капиталдык реконструкциядан кийин унаа кыймылы үчүн ачылды. Бирок мэриядан такташкандай, Түштүк магистралдан Ынтымак Ордо резиденциясына чейинки тилкеде убактылуу чектөөлөр киргизилет: түнкүсүн унаа кыймылы жабылат.
Буга чейин проспекти саат 21:00дөн 07:00гө чейин жөө жүргүнчүлөр зонасы болору айтылган. Бирок бүгүн график өзгөртүлгөнү белгилүү болду — эми саат 22:00дөн 05:00гө чейин кыймылга тыюу салынды.
Муниципалитеттен билдиришкендей, мындай чечим «кечинде жана түнкүсүн жөө жүргүнчүлөрдүн ыңгайлуу эс алуусун жана коопсуздугун камсыз кылуу максатында кабыл алынган.
Чектөөлөр азырынча сыноо режиминде күчүндө болот.