Финляндиянын президенти Александр Стубб эркектер арасындагы триатлон жарышында экинчи орунду алды. Бул тууралуу фин басылмасы Ilta-Sanomat жазды.
Маалыматка ылайык, жарыш Йоройнен шаарында өтүп, президент “AS” деген жашыруун ат менен катталган.
Ал 750 метр сүзүп, 20 км велосипед тээп жана 5 км чуркап, жарышты 1 саат 4 мүнөт 19 секундда бүтүргөн.
Спортко жакын Александр Стубб буга чейин да марафон жана темир адам (Ironman) жарыштарына катышып жүргөнү айтылат.