Маданият, спорт, туризм жана жаштар саясаты министри Мирбек Мамбеталиев “Мейкин Азия” эл аралык музыкалык фестивалынын жеңүүчүсүнө 8 миң долларлык баш байге ыйгарыларын билдирди.
Анын айтымында, биринчи орунду ээлеген катышуучу 6 миң доллар алат, ал эми баш байге — 8 миң доллар. Жалпы байге фонду 20 миң долларды түзөт.
Эскерте кетсек, аталган фестивалга 25 өлкөдөн келген таланттуу ырчылар катышууда. Иш-чара Чолпон-Ата шаарында өтүп жатат жана маданий байланыштарды бекемдөөнү, чыгармачылык өнүгүүнү колдоону максат кылат.