Ноокаттын Кара-Таш айыл өкмөтүндө Чечме-Сай каналы тазаланууда. Бул тууралуу президенттин Ош облусундагы өкүлчүлүгү билдирди.
Маалыматка ылайык, каналдын жалпы узундугу 1500 метр. Учурда каналдын 350 метри тазаланып, иштер уланууда.
Күн мурун облус жетекчисинин биринчи орун басары Курбанбек Айтибаев жеринде аткарылып жаткан иштерди көзөмөлдөдү. Ал каналдын айрым тилкелери энсиз экендигин белгилеп, кеңейтүү боюнча тапшырма берди.
Чечме-Сай каналын тазалоо жана кеңейтүү иштери толук бүткөрүлгөндөн кийин аймактагы ирригациялык абал жакшыртылып, дыйкандар сугат суу менен жеткиликтүү камсыз болору айтылды.