Кыргызстандын аймагында бодо малды жасалма уруктандыруу боюнча акысыз окутуу программасы старт алды. Бул тууралуу Суу ресурстары, айыл чарба жана кайра иштетүү өнөр жайы министрлиги маалымдады.
Учурда Чүй облусундагы техник-уруктандыруучулар үчүн үч күндүк семинар өтүп жатат. Катышуучулар жасалма уруктандыруунун артыкчылыктары, малды көбөйтүүнүн заманбап ыкмалары, асылдандыруунун негиздери боюнча терең теориялык билим жана практикалык көндүмдөргө ээ болууда.
Бул иш-чара Кыргызстандын айыл чарба тармагындагы өндүрүмдүүлүктү жогорулатуу жана малдын асыл тукум сапатын жакшыртуу максатында уюштурулууда.
Семинар БУУнун Азык-түлүк жана айыл чарба уюму менен биргеликте өткөрүлүп жатат.