Бишкек шаары жылдан-жылга өсүп, аймагы кеңейүүдө. Жа¢ы курулуштар пайда болууда. Ар бир үй, батир электр энергиясы пайдаланат. Буларга болгон талап жылдан-жылга өсүүдө.
Ушулардын бардыгын жакшы жагын эске алуу менен бирге батирлердин көптүгүнөн электр энергиясына жана газга талап көбөйүп, өрт чыгуу коркунучун пайда кылаарын да айта кетүүбүз абзел. Анткени тажрыйба көрсөткөндөй көп учурда адамдар өзүлөрү катачылык кетирет.
Өрт көбүнчө мекемелерде эмес, жеке үйлөрдөн чыгат. 2025-жылдын бир айынын ичинде Бишкек шаарынын Свердлов району боюнча 107 өрт кырсыгы катталып, өрт кырсыгынын кесепетинен 89 242 912 сом материалдык чыгым болгон. Жеке үйлөрдүн ээлери кышкы мезгилде от жагылуучу мэшти карап, текшерип чыгуусу абзел.
Ошондуктан, эгерде сиз өрттү байкасаңыз 101 жана 112 номерлерине телефон чалыңыз. Өзүңүздүн фамилияңызды айтып, дарегиңизди так билдириңиз.
Мураталы уулу Рысбек, Бишкек шаардык Свердлов району боюнча Өзгөчө кырдаалдар бөлүмүнүн Өрттү өчүрүү жана алдын алуу бөлүмчөсүнүн улук офицери, капитан