Афганистандын түндүк-чыгышында магнитудасы 6,0 болгон жер титирөө катталды. Алдын ала маалыматтарга ылайык, жүздөгөн киши набыт болгону айтылып жатат.
АКШнын Геологиялык кызматы билдиргендей, жер титирөө очогу Гиндукуш тоолорунда, болжол менен 10 км тереңдикте жайгашкан. Эпицентр Джалалабад шаарынан 42км алыстыкта болгон.
Каза болгондор жана жабыркагандар негизинен Нангархар жана Кунар провинцияларынан. Учурда куткаруу иштер жүрүп жатат.
Жер титирөөнүн толкуну Индиянын Нью-Дели шаарында да сезилген.