Ооганстандагы 6,0 баллдык жер титирөөдөн 1 миң 124 адам каза болуп, 3 миң 251 киши жаракат алды, мындай маалыматты Кызыл Чырым коому билдирди. Ошондой эле 8 миңден ашуун үй кыйрады.
АКШнын Геологиялык кызматы билдиргендей, жер титирөө 31-августта Гиндукуш тоо кыркасында, Желал-Абаддан түндүк-чыгышта орун алган.
БУУ жана бир катар мамлекеттер ооган элине көңүл айтып, жардам көрсөтүүгө даяр экенин билдирди. Бул арада өлкөнүн бийлик өкүлдөрү, башка өлкөлөрдөн жардам сурашууда. Учурда зилзаланын кесепетин тазалоо иштери уланууда.