Италиялык легендарлуу дизайнер Жорджио Армани 2025-жылдын 4-сентябрында 91 жаш курагында көз жумду.
Ал 1934-жылы Пьяченца шаарында төрөлүп, 1975-жылы Серджо Галеотти менен бирге Giorgio Armani S.p.A. компаниясын негиздеген. Армани дүйнөлүк мода тарыхына өзүнүн жөнөкөй, бирок классикалык стилдеги “power suit” үлгүсү менен кирген.
Бүгүнкү күндө компания кийимден тышкары парфюмерия, косметика, үй буюмдары, мейманканалар жана ресторандарды камтыйт. Дизайнер ошондой эле Италиянын “Олимпия Милан” баскетбол клубуна ээлик кылып, спорттук формаларды чыгарган.
Forbes журналы Арманинин байлыгын 12 млрд доллар деп баалаган.