Кыргызстанда ишкерлер укуктары бузулган учурда прокуратура органдарына ыкчам кайрылуу үчүн “Бизнести коргоо” мобилдик тиркемеси иштеп жатат. Бул тууралуу Башкы прокуратура билдирди.
Маалыматка ылайык, ишкерлер укуктарын коргоо үчүн төмөнкү жолдор аркылуу кайрыла алышат:
-
Мобилдик тиркеме аркылуу — App Store жана Google Playден “Бизнести коргоо” тиркемесин жүктөп, арыз берүү;
-
Ишеним телефондору аркылуу — ар бир прокуратурада атайын номерлер иштейт, аларды www.prokuror.kg сайтынан табууга болот;
-
Жекече кайрылуу менен — жакынкы прокуратурага барып арыз жазуу;
-
Онлайн кайрылуу аркылуу — Башкы прокуратуранын расмий сайтындагы электрондук форма аркылуу.
Башкы прокуратура белгилегендей, жарандардын укуктарын жана ишкердик үчүн жагымдуу шарттарды түзүү боюнча иштер уланууда.
Эске салсак, мыйзамга ылайык, ишкердикке мыйзамсыз кийлигишкен кызмат адамына мүлкүн конфискациялоо менен 5 жылга чейин эркинен ажыратуу, ал эми мыйзамсыз текшерүү жүргүзгөнү үчүн 150 эсептик көрсөткүч өлчөмүндө айып пул каралган.