Министрлер Кабинетинин Төрагасы – Президенттин Администрациясынын Жетекчиси Адылбек Касымалиев Бишкектеги азиз жана көрүүсү начар балдарга арналган атайын мектеп-интернаттын абалы менен таанышты.
Ал окуучулардын билим алуу жана жашоо шарттарын көрүп чыгып, 1939-жылдан бери иштеп келе жаткан бул мекемеге комплекстүү жаңылоо зарылдыгын белгиледи. Ошондой эле заманбап талаптарга жооп берген жаңы мектеп-интернат куруу боюнча сунуштарды даярдоону тапшырды.
Кошумча түрдө жакынкы аралыкта окуу процессине керектүү атайын жабдууларды — тилкелүү такталар, рельефтүү беттер, 3D-карталар, акылдуу көз айнектер жана таяктарды сатып алуу боюнча көрсөтмө берди.