Эл өкүлдөрү Жогорку Кеңешти өзүн-өзү таратуу боюнча кол топтоону башташты. Бул тууралуу айрым депутаттар маалымат каражаттарына билдиришти.
Маалыматка караганда, демилгечи топ жакын арада расмий сунушун жарыялайт. Конституцияга ылайык, парламентти таркатуу чечими 60тан кем эмес депутаттын добушу менен кабыл алынат жана демилге депутаттардын кеминде үчтөн бири тарабынан көтөрүлүшү шарт.
Эгер Жогорку Кеңеш өзүн таркатуу чечимин кабыл алса, мөөнөтүнөн мурда шайлоо 40 күндүн ичинде, бирок 65 күндөн кеч эмес өтүшү керек. Бул шартта жаңы шайлоо ноябрда өтүшү мүмкүн.