2026-жылы дарыгерлердин айлыгы дагы жогорулатылары белгилүү болду. Бул тууралуу Саламаттыкты сактоо министри Эркин Чечейбаев Жогорку Кеңештин жыйынында билдирди.
Анын айтымында, медицина кызматкерлеринин маянасы акыркы жылдары туруктуу көтөрүлүп келүүдө жана бул багыт министрлик үчүн приоритеттүү маселе бойдон калууда.
Ошондой эле жыйында депутат Нилуфар Алимжанова дарыгерлерди коргоо менен бирге, алардын эмгек акысын тез арада жогорулатуу зарылдыгын белгиледи. Ал эми министр кийинки жылы дагы маяналар көтөрүлөрүн ырастады.
Мындан тышкары, депутат Эркин Чечейбаевге Ош шаарындагы балдардын онкологиялык ооруканасын дары-дармек менен камсыздоо маселесин чечүүнү өтүндү.