Түштүк Кореялык изилдөөчүлөр көрүү жөндөмүн калыбына келтирүүгө багытталган жаңы дары иштеп чыгышты. Бул дары көздүн тордомо челинде нерв клеткаларынын калыбына келишине тоскоол болгон Prox1 протеинге таасир этүү менен иштейт. Жаңы табылга Science илимий журналында жарыяланды.
Изилдөөлөргө ылайык, дарынын таасири алты айдан ашык убакытка созулат. Учурда дары лабораториялык шарттарда ийгиликтүү сыноодон өтүп, адамдарга карата клиникалык сыноолор 2028-жылы башталышы күтүлүүдө.
Окумуштуулар бул ачылыш миллиондогон адамдарга жаңы үмүт бере алат деп белгилешүүдө.