14-сентябрда Бишкекке Ага Хандын уюмунун өкүлдөрү келишти. Делегацияны принц Рахим Ага Хан V баштап келди. Аны менен бирге принц Али Мухаммад Ага Хан, принц Хуссейн Ага Хан жана принцесса Фарин Ага Хан да өлкөгө келишти.
Кадырлуу меймандарды «Манас» эл аралык аэропортунда министрлер кабинетинин төрагасынын орун басары Эдиль Байсалов жана курулуш министринин биринчи орун басары Самат Жантелиев тосуп алышты.
15-сентябрда Кыргызстанда биринчи жолу Ага Хандын архитектура боюнча сыйлыгы ыйгарылат. Иш-чаранын алкагында коомдук лекциялар, көргөзмөлөр уюштурулуп, 16-сентябрда академиялык семинар өтөт.
Бул престиждүү сыйлык үч жылда бир жолу тапшырылып, анын байге фонду 1 миллион долларды түзөт.