Лондондо миграцияга каршы жана антифашисттик күчтөрдүн ортосундагы кагылышууларда полиция кызматкерлери жабыркады. Бул тууралуу чет элдик басылмалар жазды.
Маалыматка ылайык, 25 адам полицияга кол салуу жана тартип бузуу боюнча кармалды. Кагылышуулар ишемби күнү «Бириктирели королдукту» аттуу көп миңдик жүрүш маалында болгон.
Полициянын маалыматы боюнча, митингге 110 миңден 150 миңге чейин адам катышкан. Ал эми бул митинге каршы 5 миңдей жаран дагы жүрүшкө чыгып, натыйжада башаламандык жаралган.
Иш-чараларды көзөмөлдөөгө 1000ден ашуун полиция кызматкери тартылган. Кагылышуу учурунда 26 полиция кызматкери жаракат алган.