16–18-сентябрда өлкө аймагында аба ырайы туруксуз болуп, жаан-чачын менен коштолот. Бул тууралуу Өзгөчө кырдаалдар министрлигинин Гидрометеорология кызматы кабарлады.
Маалыматка ылайык:
айрым аймактарда жаан катуу жаайт, күн күркүрөйт;
тоо этектеринде жана бийик тоолуу райондордо кар жаашы мүмкүн;
абанын температурасы төмөндөйт.
Шамал батыштан секундасына 4–9 м/с ылдамдыкта согот, айрым жерлерде 15–20 м/с чейин жетиши мүмкүн.
ӨКМ туруксуз аба ырайы автотранспортко, байланыш тармагына, энергетика жана коммуналдык кызматтарга, ошондой эле жайыттарда мал кармоого кыйынчылык жаратышы мүмкүн экенин эскертет.