Бүгүн, 24-сентябрда Жогорку Кеңештин жалпы жыйынында Шайлоо жана референдум өткөрүү боюнча Борбордук комиссияга эки жаңы мүчө шайланды. Алардын бири — мурдагы мамлекеттик катчы Сүйүнбек Касмамбетов, экинчиси — Кабылбек Мамбетапов.
Сүйүнбек Касмамбетов 2021-жылдын октябрында мамлекеттик катчы болуп дайындалып, 2025-жылдын май айында кызматтан кеткен.
Кабылбек Мамбетапов буга чейин Сузак райондук мамлекеттик администрациясында түрдүү кызматтарды аркалап, Эмгек, ишке орноштуруу жана миграция министринин орун басары, Айыл чарба министрлигинде Жер-суу көзөмөлдөө кызматынын директору болуп иштеген. 2012-жылы ал «Ата Журт» саясий партиясынын Жалал-Абад облусу боюнча координатору болгон.