Кыргыз Республикасынын Министрлер Кабинетинин Төрагасы – Президенттин Администрациясынын Жетекчиси Адылбек Касымалиев Беларусь Республикасына расмий сапарынын алкагында Премьер-министр Александр Турчин менен расмий жолугушуу өткөрдү.
Сапардын башталышында мамлекеттик туулар илинип, Ардактуу кароол тизилип, килем төшөлдү. Өкмөт башчылары бири-бири менен саламдашып, тууга урмат көрсөтүшүп, эки өлкөнүн мамлекеттик гимндери жаңырды.
Андан соң Министрлер Кабинетинин Төрагасы жана Премьер-министр расмий делегация мүчөлөрүн тааныштырды. Саламдашуу аземинен кийин делегация башчылары Кыргызстан менен Беларусь ортосундагы сүйлөшүүлөрдү жүргүзүү үчүн Өкмөт Үйүнүн имаратына киришти.