Кыргыз Республикасынын Президенти Садыр Жапаров Жогорку Кеңештин мөөнөтүнөн мурдагы шайлоосун дайындоо жөнүндө Жарлыкка кол койду.
Ага ылайык, Жогорку Кеңештин депутаттарын мөөнөтүнөн мурда шайлоо 2025-жылдын 30-ноябрында, жекшемби күнү өтөт.
Бул шайлоону уюштуруу жана өткөрүү үчүн:
-
Борбордук шайлоо комиссиясы мыйзамга ылайык шайлоону өткөрөт жана аралыктан добуш берүүнү камсыз кылат.
-
Министрлер Кабинети шайлоого акча бөлүп, тартипти жана мыйзамдуулукту камсыз кылат, шайлоочулардын тизмесин тактайт, онлайн идентификация системасын өркүндөтөт жана шайлоо процессинин коопсуздугун камсыз кылат.
-
Башкы прокуратура шайлоодо мыйзамдардын сакталуусуна көзөмөл жүргүзөт.
-
Жергиликтүү мамлекеттик администрациялар жана жергиликтүү бийлик органдары шайлоону өткөрүүдө техникалык жана уюштуруучулук жактан жардам берет.
Жарлык расмий жарыяланган күндөн тартып күчүнө кирет.