Кыргыз Республикасынын Президенти Садыр Жапаров Президент Илхам Алиевдин чакыруусу боюнча Азербайжан Республикасына болгон иш сапарын улантууда.
Кечээ Президент Садыр Жапаровду Азербайжандын Илим жана билим берүү министри Эмин Амруллаев жана башка расмий өкүлдөр тосуп алышты.
Иш сапардын алкагында Мамлекет башчысы Түрк мамлекеттер уюмунун мамлекет башчыларынын кезектеги Саммитине катышат. Саммиттин жүрүшүндө аймактык жана эл аралык маанидеги маселелер талкууланып, Кыргыз Республикасынын ТМУдагы төрагалыгынын жыйынтыгы чыгарылат.
Жыйынтыгында уюмга мүчө мамлекеттердин саясий, экономикалык, маданий жана гуманитардык кызматташтыгын чыңдоого багытталган Габала декларациясына жана бир катар маанилүү чечимдерге кол коюу пландалууда.