Жапониянын парламенти премьер-министрлик кызматка Санаэ Такаитини тандады. Ал өлкө тарыхында бул кызматты аркалаган алгачкы аял болуп калды.
465 депутаттын ичинен 237си Такаитиге, ал эми анын атаандашы — Конституциялык-демократиялык партиянын лидери Ёшихико Нодага 149 добуш берилди.
Жеңиштен кийин Такаитинин Либералдык-демократиялык партиясы “Жапониянын инновация партиясы” менен альянс түздү, эми жаңы өкмөт куралат.
64 жаштагы Такаити октябрь айынын башында Либералдык-демократиялык партиянын төрагалыгына шайланган. Ал партиядагы консервативдүү канаттын өкүлү катары белгилүү.
Либерал-демократтар 1955-жылдан бери дээрлик тынымсыз бийликте. Өткөн шайлоолордо орун жоготкону менен коалициянын жардамы аркылуу бийликте калууну улантып келет.