АКШ президенти Дональд Трамп Орусиянын лидери Владимир Путин менен пландалган жолугушуу кийинкиге жылдырылганын билдирди. Анын айтымында, ал жолугушууну “пустая трата времени” – текке кеткен убакыт болбошу үчүн жылдырган.
“Мен жолугушуу текке өтүшүн каалабайм. Эмне болорун жакында көрөбүз”, — деди Трамп.
Маалыматка ылайык, бул чечим АКШнын мамлекеттик катчысы Марко Рубио менен Орусиянын тышкы иштер министри Сергей Лавровдун сүйлөшүүсүнөн кийин кабыл алынган.
Кремл тараптан болсо басма сөз катчысы Дмитрий Песков “жаңы саммит үчүн олуттуу даярдык керек” экенин билдирди.
Ак Үй мурдараак Трамп жакын арада Путин менен жолугушууну пландабаганын расмий түрдө маалымдаган.