“Кыргызстан аэропорттору” 3 жылдын ичинде өз каражатына 163 атайын техника сатып алды. Бул тууралуу “Биринчи радионун” түз эфиринде “Кыргызстан аэропорттору” ачык акционердик коомунун башкармалыгынын төрагасы Манасбек Самидинов билдирди.
Анын айтымында, атайын техникалардын жалпы суммасы 1,5 млрд. сомду түзгөн. Техникалар өлкөнүн бардык аэропортторуна жеткирип берилген.
“Бул оор техникалардын гана суммасы. Буга күнүмдүк керек кылынуучу жеңил техникалар кирбейт. Жыл соңуна чейин аэропортторубуздун баары керектүү атайын техника менен камсыз кылынат”,-деген Самидинов.