Иранда экономикалык кризиске каршы нааразылык акцияларында кеминде үч адам каза болду
Ирандын батыш аймактарында улуттук валютанын — риалдын кескин арзандашына байланыштуу чыккан массалык нааразылык акцияларында кеминде үч адам каза болду. Бул тууралуу жергиликтүү жана эл аралык маалымат каражаттары, ошондой эле укук коргоо уюмдары билдиришүүдө.
Маалыматка ылайык, каза болгондордун арасында 21 жаштагы коопсуздук кызматкери бар. Дагы 13 күч түзүмдөрүнүн өкүлү жаракат алган.
Кагылышуулар 31-декабрь күнү кечинде Кухдешт шаарында болгон. Нааразылык акциялары өлкөдөгү оор экономикалык абал жана улуттук валютанын кунунун түшүшүнө байланыштуу башталган.