Аскер кызматкерлерине батир ижарасы үчүн төлөнүүчү компенсациянын өлчөмү жогорулатылды. Бул тууралуу министрлер кабинетинин төрагасы Адылбек Касымалиев Коргоо министрлигине унааларды тапшыруу аземинде билдирди.
Анын айтымында, аскер кызматкерлерин социалдык жактан коргоо чараларынын алкагында Бишкек шаарында күнүмдүк батир ижара акысынын компенсациясы 500 сомго чейин көтөрүлдү. Ал эми аймактарда бул көрсөткүч 420 сомду түздү.
Белгиленгендей, бул чечим аскер кызматкерлеринин жашоо-шартын жакшыртууга жана алардын социалдык колдоосун күчөтүүгө багытталган.