Улуттук коопсуздук мамлекеттик комитетинин А.Бакаев атындагы академиясы 5 жылдык окуу мөөнөтү менен курсанттарды кабыл алууну жарыялады.
УКМКнын маалыматына ылайык, документтер 2026-жылдын 2-февралынан 27-февралына чейин кабыл алынат.
Академияга тапшырууну каалаган талапкерлердин жаш курагы 17 жаштан 21 жашка чейин болушу керек. Ошондой эле талапкерлердин бою 170 сантиметрден кем эмес, салмагы кеминде 60 килограмм болушу зарыл.
Талапкерлерге коюлуучу негизги талаптар:
- орточо баллы 4төн төмөн эмес толук орто билими жөнүндө аттестат же орто кесиптик билими тууралуу диплом;
- талапкердин жана анын жакын туугандарынын сот жообуна тартылбаган болушу;
- талапкердин жана жакын туугандарынын чет мамлекеттин жарандыгы болбошу керек.
Документтердин толук тизмеси жана тандоо жол-жобосу тууралуу маалымат УКМКнын www.gknb.gov.kg расмий сайтында жарыяланган.