Бишкек шаарындагы А. Малдыбаев атындагы Кыргыз улуттук академиялык опера жана балет театрында “Кубанычтуу жаз майрамдары Бишкекте – 2026” аттуу маданий иш-чара болуп өттү.
Иш-чара Кытай Эл Республикасынын Кыргызстандагы консулдугу жана Кыргыз Республикасынын Маданият, маалымат жана жаштар саясаты министрлиги тарабынан уюштурулду. Бул иш-чара биринчи жолу өткөрүлүп жаткандыгына байланыштуу ага Кыргыз Республикасынын мамлекеттик катчысы Арслан Койчиев катышты.
Концерттик программа кыргыз-кытай алакасынын ар тараптуу өнүгүшүнө, өзгөчө эки өлкөнүн маданий жана гуманитардык байланыштарын чыңдоого багытталды. Анын алкагында кытай элинин белгилүү элдик ыр-бийлери, салттуу маданий номерлер аткарылып, көрүүчүлөрдүн чоң кызыгуусун жаратты.
Иш-чара элдер ортосундагы достукту бекемдөөгө, маданий баалуулуктарды жайылтууга жана өз ара түшүнүшүүнү тереңдетүүгө өбөлгө түздү.