Бишкекте “Манас” аэропорту тарапка барчу альтернативдүү жолдун курулушу уланууда. Бул тууралуу шаардык мэрия билдирди.
Маалыматка ылайык, мэр Айбек Жунушалиев төрт тилкелүү жолдун курулуш иштеринин жүрүшүн жеринен текшерди. Жаңы жолдун узундугу 1,5 чакырымды түзөт.
Долбоордун алкагында тротуарлар, сугат системасы жана унаа токтотуучу жайлар да каралган.
Шаар башчысы подряддык уюмдарга курулуш иштерин ылдамдатууну, эки нөөмөттүү режимде иштөөнү жана коопсуздук талаптарын так сактоону тапшырды.