Бишкек шаарында электр тармактарын модернизациялоо улантылууда: быйыл 278 эски жыгач мамы темир-бетон мамыга алмаштырылат. Бул тууралуу Энергетика министрлиги билдирди.
Жаңылоо иштери борбор калаанын электр камсыздоосунун ишенимдүүлүгүн жогорулатууга жана авариялык өчүрүүлөрдү азайтууга багытталган. Алмаштырууга алынган мамылар 1960–1970-жылдары орнотулган жана алардын колдонуу мөөнөтү өтүп кеткен.
2026-жылга пландалган алмаштыруу:
- Түндүк РЭТ — 125 даана
- Батыш РЭТ — 103 даана
- Чыгыш РЭТ — 50 даана
Иштерди 2026-жылдын ноябрь айынын аягына чейин бүтүрүү пландалууда.
Эскерте кетсек, 2025-жылы шаар боюнча 671 даана темир-бетон мамы орнотулган.
Бул программалар Бишкек электр тармагын заманбап жана ишенимдүү кыла турган маанилүү кадам болуп саналат.