Кыргыз Республикасынын Министрлер Кабинетинин Төрагасы – Президенттин Администрациясынын Жетекчиси Адылбек Касымалиев Кыргыз Республикасынын Министрлер Кабинетинин Ардак грамоталарын жана Министрлер Кабинетинин Төрагасынын алкышын өз ишинде натыйжа көрсөткөндөр жарандарга жана мамлекеттик кызматкерлерге тапшырды.
Сыйлыктар «Өкмөттүк акселераторлор» программасынын катышуучуларына, Жамааттык коопсуздук кеңешинин сессиясын уюштурууга катышкандарга, балдар укугун коргоого салым кошкондорго берилди.
“100 күндүк реформалар же «өкмөттүк акселераторлор» программасы өзгөрүүлөр жылдарга созулбашы керек экенин ачык далилдеди. Саясий эрк, кесипкөйлүк жана чыныгы командалык иш бар жерде жыйынтык сөзсүз болот. Буга ар бириңиздер иш жүзүндө күбө болдуңуздар деп ишенем.”-деп белгиледи өзүнүн куттуктоо сөзүндө МинКаб башчысы Адылбек Касымалиев.