Жол кырсыгынан жабыркаган тогуз жаранга ОСАГО камсыздандыруусу боюнча акчалай компенсация тапшырылды.
Жабыр тарткан жарандарга 800 миң сомго чейин материалдык колдоо көрсөтүлдү.
Мамлекеттик камсыздандыруу уюмунан белгилешкендей, компенсациянын суммалары:
— 1-даража майыптык – 200 миң сом;
— 2-даража майыптык – 150 миң сом;
— 3-даража майыптык – 100 миң сом;
— Травмалар – 100 миң сомго чейин болот (дарылоонун чыныгы чыгымдары боюнча).
ОСАГО полисин “Мега Пей”, “МБанк”, “Мой О” мобилдик тиркемелер аркылуу, ошондой эле уюмдун филиалдарына кайрылып камсыздандыруу полисин алса болот.
ОСАГО – бул жол кырсыгы учурунда үчүнчү жактарга келтирилген зыянды жабуучу унаа ээлери үчүн милдеттүү камсыздандыруу. Ал күтүлбөгөн чыгымдардан сактап, айдоочуларга жана жабыр тарткан тараптарга каржылык колдоо көрсөтөт.