2026-жылдын 5–12-март күндөрү Россиянын Долгопрудный шаарында өткөн П.Л. Капица атындагы эл аралык физика олимпиадасы жогорку деңгээлдеги илимий мелдеште кыргызстандык окуучулар ийгиликтүү жыйынтык көрсөтүштү.
Олимпиаданын жыйынтыгында Кыргызстандын курама командасы 2 коло медаль жеңип алды:
- Эмилбеков Айтегин (11-класс, «Газпром Кыргызстан» мектеби) — жеке эсепте коло медаль
- Туташев Умар (10-класс, «Газпром Кыргызстан» мектеби) — командалык эсепте коло медаль
Мындан тышкары, олимпиадага төмөнкү окуучулар да катышты:
Темирхан Салиев (11-класс, «Газпром Кыргызстан» мектеби),
Касымов Марсель (10-класс, «Маариф»),
Мырзабеков Нурбол (10-класс, «Маариф»).
Команданын машыктыруучулары — Андрей Сидоренко жана Тургунбек Омурканов.
Белгилей кетсек, KIPHO олимпиадасы үч этаптан турат. Анда катышуучулар физика боюнча теориялык жана эксперименталдык тапшырмаларды жеке жана командалык форматта аткарышат.
Бул жетишкендик кыргызстандык окуучулардын илим-билим жаатындагы потенциалы жогору экенин дагы бир жолу далилдеп, өлкөнүн эл аралык билим берүү аренасындагы аброюн бекемдейт.