Бүгүн, 9-апрелде президенттин Иш башкармалыгынын башчысы Каныбек Туманбаев “Мурас” турак жай комплексиндеги курулуш иштеринин үчүнчү этабы менен таанышты. Бул тууралуу Мамлекеттик ипотекалык компаниядан билдиришти.
МИКтин маалыматына ылайык, анда Каныбек Туманбаев бардык курулуш иштеринин талаптары так сакталууга тийиш экенин белгиледи.
Бугүнкү күндө анда көрктөндүрүү иштери жана инфраструктураларды куруу каралган. Унааларды токтотуу маселесине өзгөчө көңүл бурулуп, жер үстүндөгү жана жер алдындагы унаа токтотуучу жайлардан тышкары 1200 орундуу көп деңгээлдүү унаа токтотуучу жайдын курулушу пландалган.
Мындан тышкары, турак жай комплексинин аймагында мектеп жана бала бакча курулат.
Белгиленгендей, “Мурас” турак жай комплексинде жалпысынан 39 блок, анда 4754 батир бар. Буга чейин турак жай комплексинде 19 блок пайдаланууга берилген.