С. Ибраимов атындагы Ош улуттук драма театрынын чыгармачыл жамааты КР эл жазуучусу Арслан Койчиевдин «Тагдыр жөнүндө ыр» чыгармасынын негизинде даярдалган «Бир келип кетчи Ош жакка» спектаклин тартуулайт.
Режиссер — Ч.Айтматов атындагы мамлекеттик жаштар сыйлыгынын лауреаты Уланмырза Карыпбаев.
Спектакль 30-40-жылдардагы кыргыз айылынын турмушун, экологиялык көйгөйлөрдү, репрессияларды жана Улуу Ата-Мекендик согуштагы адам тагдырын чагылдырат. Негизги тема — немис туткуну жана мекенден алыстап кеткен адамдын ички трагедиясы. Ал өз жеринде «саткын», бөтөн жерде «келгин», бирок жүрөгүндөгү таза сүйүүсүн эч качан жоготпойт.
Бул спектакль көрүүчүлөргө трагедия, сүйүү жана адамдык сапаттар тууралуу терең ой тартуулайт жана эмоциялык таасир калтырат.
