Кыргызстандын Министрлер кабинети кесиптик орто жана жогорку билим берүү тармагындагы айрым чечимдерге өзгөртүүлөрдү киргизди.
Жаңы токтомго ылайык, чет өлкөлүк студенттерди кабыл алууну жөнгө салуу үчүн атайын борбор түзүлөт. Ошондой эле орто билимдин базасында сырттан окуу жоюлуп, айрым программалар үчүн гана сакталат.
Мындан тышкары, чет өлкөлүк студенттерге талаптар күчөтүлүп, мамлекеттик гранттарды берүү тартиби жаңыланды. «Акылман» лицейинин бүтүрүүчүлөрү мамлекеттик кызматта иштөөгө милдеттендирилет.
Токтом 10 күндөн кийин күчүнө кирет.