Кыргызстанга 7,6 млн сомдук дары-дармекти мыйзамсыз алып кирүүгө бөгөт коюлду.
Мамлекеттик салык кызматынан билдиришкендей, «Ак-Тилек» көзөмөл-өткөрүү пунктунда жүргүзүлгөн рейддик иш-чаралардын жүрүшүндө ири көлөмдөгү дары-дармектерди жана ар кандай эл керектөөчү товарларды мыйзамсыз алып кирүү фактысы катталган.
Тактап айтканда, жүк ташуучу автоунааны текшерүү учурунда өлкөнүн аймагына товарларды алып кирүү үчүн талап кылынган тиешелүү коштомо документтери жок дары-дармектер, медициналык буюмдар жана ар кандай азык-түлүктөр аныкталды.
Алдын ала эсептөөлөр боюнча, мыйзамсыз товарлардын жалпы баасы 7,6 млн сомдон ашат.