5-апрелде кыргызстандык боксчу Мунарбек Сейитбек уулу “Ahmet Cömert Bosphorus International Boxing Tournament” эл аралык мелдешинин жеңүүчүсү болду. Бул тууралуу Дене тарбия жана спорт агенттиги билдирди.
Маалыматка ылайык, турнир Стамбул шаарында 29-марттан 5-апрелге чейин өттү. Кыргыз мушкери 60 кг салмак категориясында күч сынашып, бардык беттештерде ишенимдүү жеңишке жетишти.
Алгач Өзбекстандын өкүлүн жеңген спортчу, чейрек финалда австралиялык атаандашын утту. Жарым финалда германиялык мушкерди 5:0 эсебинде жеңип, финалга чыкты.
Чечүүчү беттеште Мунарбек Сейитбек уулу украиналык атаандашын 5:0 эсебинде жеңип, алтын медалга ээ болду.