АКШдагы Бингемтон университетинин окумуштуулары көзү азиз адамдарга жардам берүүчү робот-итти иштеп чыгышты. Бул тууралуу Kazinform кабарлады.
Маалыматка ылайык, робот колдонуучуну коштоп жүрүү менен бирге айлана-чөйрө тууралуу үн аркылуу маалымат берет. Ал маршруттарды сунуштап, жолдогу тоскоолдуктар, бурулуштар жана аралык тууралуу эскертип турат.
Экспериментке 7 ыктыярчы катышып, робот алардын имарат ичинде өз алдынча багыт алуусуна жардам берген. Катышуучулар система алдын ала пландоо менен реалдуу убакыттагы үн коштоону айкалыштырганын жогору баалашкан.
Иштеп чыгуучулар технологияны мындан ары өркүндөтүп, аны имарат ичинде жана сыртта кеңири колдонууга ылайыкташтырууну пландашууда.