Улуттук банк валюта рыногунда 168 миллион доллар сатты. Бул жыл башынан берки регулятордун алтынчы интервенциясы болду.
Сатуу курсу өзгөрүүсүз калып, 87,8 сомду түздү. Жыл башынан бери 893 миллион 450 миң доллар сатылган.
Былтыр Улуттук банк валюта рыногуна сегиз жолу кирип, сомду колдоо үчүн 853 миллион доллар сарптаган. Башкы банк адатта валютанын кескин өзгөрүүлөрүн жөнгө салуу же рыноктогу чет элдик валютанын жетишсиздигин толуктоо үчүн акча сатат.