Кыргызстанда 1-класска кабыл алуу өнөктүгү уланууда. Бул тууралуу Агартуу министрлиги билдирди.
Маалыматка ылайык, учурда балдарды мектепке электрондук каттоонун биринчи этабы жүрүп жатат. Бул этапта ата-энесинин же мыйзамдуу өкүлүнүн тиешелүү мектептин микроучастогунда туруктуу каттоосу бар балдар кабыл алынууда.
Учурда “Мектеп” автоматташтырылган маалыматтык системасы аркылуу 1-класска 56 миңден ашуун бала катталды.
Катталган балдардын аймактар боюнча бөлүштүрүлүшү төмөнкүдөй:
- Бишкек шаары — 8959,
- Ош облусу — 11 898,
- Жалал-Абад облусу — 10 581,
- Чүй облусу — 6619,
- Баткен облусу — 6384,
- Ысык-Көл облусу — 4699,
- Нарын облусу — 2699,
- Ош шаары — 2171,
- Талас облусу — 2532.
Министрлик билдиргендей, быйыл республика боюнча 190 миңден ашуун квота каралган.
Ушуга байланыштуу ата-энелерге балдарын мектепке өз убагында каттоодон өткөрүү сунушталат.