Кыргызстан менен Казакстандын чек арасында болжол менен күчү 3 баллга жеткен жер титирөө болду. Бул тууралуу Улуттук илимдер академиясынын Сейсмология институту билдирди.
Маалыматка ылайык, жер алдындагы силкинүүлөр бүгүн, 22-апрелде саат 5:26да катталган. Жер титирөөнүн очогу Кыргызстан менен Казакстандын чек арасындагы Күнгөй Ала-Тоо тоолорунда жайгашкан. Ал Григорьевка айылынан түндүк-батышты карай 22 чакырым, Кожояр айылынан батышты карай 22 чакырым, Ананьево айылынан түндүк-батышты карай 27 чакырым аралыкта болгон.
Кыргызстандын калктуу конуштарында жер титирөөнүн күчү сезилген эмес.