Быйыл өтө турган футбол боюнча дүйнөлүк чемпионаттын башталышына 50 күн калганда, FIFA билеттерди сатуунун акыркы этабын баштады.
Маалыматка ылайык, билеттер турнирдин бардык 104 беттешине этап-этабы менен сатылат. Учурда 7 миллионго жакын билеттин ичинен 5 миллиондон ашыгы сатылып бүткөн. Уюм кошумча билеттер финалдык оюн өтө турган 19-июлга чейин, бош орундарга жараша жеткиликтүү болорун билдирди.
Ошондой эле 2026-жылдагы дүйнө чемпионатынын финалы үчүн эң кымбат билеттин баасы 10 990 долларга жеткени маалым болду. Белгилей кетсек, турнир 11-июнда United States, Mexico жана Canada өлкөлөрүндө старт алат.