Ош облусунун Өзгөн районунда мектеп окуучуларынын ортосунда мушташ чыкты. Бул тууралуу Kaktus.mediaга облустук ички иштер башкармалыгынан билдиришкен.
Маалым болгондой, 14-февраль күнү милицияга ооруканадан 2008-жылы туулган К.Э. денесинен жаракат алып, аларга түшкөнү тууралуу маалымат келген.
Факты боюнча иликтөө иштери башталып, экспертизалар дайындалган.
Күбөлөрдүн айтымында, No34 мектептин 11-классынын окуучулары өз ара урушуп, К.Э.ны сабап салышкан.
Аталган факты боюнча КРнын Кылмыш-жаза кодексинин «Бейбаштык» беренеси боюнча кылмыш иши козголду.