Кыргызстанда гранит жана мрамордон жасалган мүрзө таштарын орнотууга тыюу салынды. Министрлер кабинетинин төрагасы Адылбек Касымалиев сөөк коюунун жаңы эрежелерин камтыган документке кол койду.
Бул эрежелердин сакталышын Курулуш министрлиги, Жазаларды аткаруу мамлекеттик кызматы, Мамлекеттик кызмат жана жергиликтүү өз алдынча башкаруу боюнча мамлекеттик агенттиги көзөмөлдөйт. Мүрзө таштарын орнотуу үчүн гранит жана мрамордон тышкары асыл таштарды жана люкс металл тосмолорду колдонууга болбойт. Эстелик 0,7 метрден жогору болбошу керек. Тосмолор жыгачтан же металлдан жасалган жупуну конструкцияларды колдонсо болот. Мүрзө ташындагы жазуулар так жана аты-жөнү, фамилиясы, туулган жана өлгөн жылы көрсөтүлүшү керек. Диний символдорду колдонсо болот.
Жаңы эрежелер динине, социалдык абалына, расасына, жынысына жана улутуна карабастан бардыгына тиешелүү.