Өкмөт 2025-жылга социалдык маанилүү азык-түлүк товарларына баалардын өсүү темпин кармап туруу боюнча иш-чаралардын планын бекитти. Чечимге министрлер кабинетинин төрагасы Адылбек Касымалиев кол койду.
Ага ылайык, Экономика жана коммерция министрлигине мамлекеттик органдар жана жергиликтүү өз алдынча башкаруу органдары квартал сайын, отчеттук мезгилден кийинки айдын бешине чейин пландын аткарылышы боюнча маалымат берип турат.
Ал эми Экономика жана коммерция министрлиги айдын онуна чейин президенттин администрациясына иш-чаралар планды аткаруунун жүрүшү жөнүндө маалымдайт.
Тескеменин максаты —социалдык маанилүү товарларга баалардын өсүшүн кармап туруу, ички рыноктун туруктуулугун камсыздоо боюнча комплекстүү чараларды жүргүзүү, 2025-жылы ата мекендик өндүрүшкө мамлекеттик колдоо көрсөтүү экендиги айтылат.