Пакистан армиясы Ооганстан аймагындагы террордук топтордун позицияларына абадан жана артиллериялык сокку урду. Бул аракет Пакистан тараптагы Хайбер-Пахтунхва провинциясынын Куррам округундагы блокпостторго болгон кол салууга жооп катары жасалганы айтылат.
Маалыматты Пакистандын мамлекеттик телеканалы PTV өлкөнүн куралдуу күчтөрүнө шилтеме берип таратканын Report басылмасы жазды.
Берилген маалыматка караганда, 14-октябрдын кечинде “Талибан” кыймылынын жоочулары жана мурда “Пакистан талибдер кыймылы” (же Техрик-и-Талибан Пакистан) деп белгилүү болгон “Фитна аль-Хаваридж” тобунун мүчөлөрү пакистандык чек ара постторуна себепсиз ок ачышкан.
Жооп катары Пакистан армиясы каршы аракет көрүп, жоочуларга таандык бир блокпостту жана танк позициясын талкалаган. Ошондой эле “Фитна аль-Хаваридж” уюмунун жогорку даражалуу командирлеринин бири жок кылынганы кабарланууда.