Репрессиянын курмандыктары “Кара-Кыргыз автономиялуу облусунун түзүлгөндүгүнүн 100 жылдыгы” юбилейлик белгиси менен каза болгондон кийин сыйланды. Аталган буйрукка президент Садыр Жапаров кол койгон.
Тизмеде:
— Жусуп Абдрахманов;
— Иманалы Айдарбеков;
— Ишеналы Арабаев;
— Абдыкадыр Орозбеков;
— Абдыкерим Сыдыков;
— Төрөкул Айтматов;
— Баялы Исакеев;
— Касым Тыныстановдор бар.
«Кыргыз Республикасынын көз карандысыздыгын чыңдоого, анын экономикалык, саясий, социалдык, илимий, руханий потенциалын, коргонуу кубаттуулугун жогорулатууга, кыргыз мамлекетинин чек арасынын кол тийбестигин камсыз кылууга, тынчтыкты жана туруктуулукту, улуттар аралык достукту жана ынтымакты сактоого, адилеттүү жарандык коомду түзүүгө олуттуу салым кошкондугу үчүн “Кара-Кыргыз автономиялуу облусунун түзүлгөндүгүнүн 100 жылдыгы” юбилейлик белгиси менен сыйлансын», — деп жазылат тескемеде.