Бакчалардын кабинеттери ижарага берилет. Мектептерди 12 жылга өткөрүүдө Бишкекте биринчи класстын окуучуларын жайгаштыруу планы айтылды. Бул тууралуу Билим берүү жана илим министрлигинин башкармалыгынын башкы адиси Фариза Солтогулова «Биринчи радионун» эфиринде билдирди.
Анын айтымында, өлкө аймагында мектепке тапшырууга 122 миңге жакын бала даярдалып жатат. Алардын 78 миңи учурда мектепке чейинки даярдоо программасынан өтүп жатышат жана аларга орун бар. Дагы 38 миң мектепке чейинки балдар бала бакчаларга барышат.
«Бишкекте бала бакчаларда биринчи класстын окуучулары үчүн бир нече кабинет ижарага берилет. Мектеп мугалимдери аларга сабак берүү үчүн келишет. Ал эми калган региондордо көйгөйлөр болбошу керек», — деди ал.
Негизинен Бишкек жана Ош шаарларында, Жалал-Абад, Ош жана Чүй облустарында орун тартыштыгынын көйгөйү күтүлүүдө.