Депутат соңку маалда окуучулардын ур-токмоктон, өз өмүрүнө кол салуудан катталган өлүмү боюнча өкмөт чукул жыйын өтпөй жатканына айран таң болду.
“Бир жумада Ысык-Көлдө, Ноокатта, Токмокто 5-6 окуучу каза болду. Өкмөт башчы бардык министрликтерди чакырып, чукул жыйын өткөрүшү керек эле, эмне үчүн өткөрбөй жатасыңар?! Ата-эне, мамлекет үчүн баладан кымбат эмне бар?! Райондордо балдар менен иштеген психологдор жок. Өнүккөн өлкөлөрдө бир баланын өлүмү улуттук трагедия, бизде жөн эле статистика катары карап жатасыңар. Ушул жумадан калбай чукул жыйын өткөрүш керек”, — деди Жанар Акаев.